عاوز اشترى bytecoin BCN

Question

محتاج ضرورى اشترى فى اسرع وقت اشترى كمية من عملة bytecoin مش bitcoin  اقدر اشتريه منين او مين يقدر يحولى

بمبلغ بسيط 750 جنيه مصرى

Answer 1

bcn هو رمز العمله اللى انت عاوز تشتريها ودى موجوده تقريبا فى كل منصات التداول تقدر تشتريها بسهوله . او يمكنك تشتريها من موقع https://changelly.com/  وتدفع من الفيزا كارد مباشر . العمله عليها هاردفورك فى شهر يونيو . بالتوفيق ان شاء الله

Comments

مشكور اخى الكريم على اهتمامك وردك ... طيب انا معايا فيزا البنك الاهلى المصرى ينفع ادفع بيها ولا لا ... ثانيا انا عامل اكونت على محفظة العملة نفسها هل احول عليها ولا احول على محفظة تانية افضل وياريت لو عندك علم بأفضل محفظة وعليها تأمين كويس توضحلى

---

بالنسبه للبنك مش متاكد . لانك اكيد عارف التشديدات على الدولار فى مصر سواء سحب او ايداع . ف الاسهل والاقل لك فى العموله انك تشوف حد يبعتهملك وتحوله فودافون كاش مثلا . والوسطاء اللى شغالين فى التحويلات كتير جدا . بس خد بالك بالله عليك عشان فيه نصب كتير .... بالنسبه للمحفظه اكيد محفظه العمله نفسها هيا أأمن شئ . وخصوصا انك واضح انك عاوز تخزن فتره طويله. تاكد من انك محتفظ بالبرايفت كاى عشان لو حصل اى شئ ويندوز ضرب او اى مشكله تقدر تسترجع عملاتك المخزنه . بالتوفيق ان شاء الله

---

تسلم اخ تيتو على ردك واهتمامك الكبير -- بس كل ما اكلم حد يقولى ليه تتعامل فى عملة رخيصة ومش مضمونة الفكرة كلها انى هشترى بمبلغ صغير 50 دولار هيدينى فى حدود 16400 BCN  وانا مش بتداول انا هشترى وهخزن لمدة طويلة من سنتين لحد 3 سنوات لانى قريت فى كذا مقال وكذا موقع ان سعرها هيرفع كتير فى خلال المدة دى .... ايه رأيك الشخصى انت

---

كلنا فى مركب واحد فلازم نساعد بعض قدر المستطاع .... بالنسبه لعمله البايت كوين ف التوتال بتااعها كتير جدا وده يخلى صعب جداجدا سعرها يطلع للارقام اللى انت متخيلها . فيه عملات تانيه اقوى بكتير جدا للتخزين ... لكن البايت كوين تحديدا لو انا شخصيا هشتريها فهيا بسعر 35 ساتوشى حاليا تقريبا . هشترى بهدف 100 ساتوشى يعنى مضاعفه راس المال تقريبا 3 اضعاف ووارد توصله فى الغالب مع الهاردفورك فى شهر 6 لكن هتنزل تانى بعدها مباشره ....... وارجع واقول وارد اى شئ فى السوق ده ممكن يحصل ... بالتوفيق ان شاء االله اخ يوسف :)